PASTÓS Y ZAGALAS
(Poema cheso)

Autor: Veremundo Méndez Coarasa

Pastós y zagalas
la mula y lo güe
en un portal son
que claman Belén,
mirando lo crío,
plegau de nacer,
lo Fillo de Dios,
del Cielo lo Rey,
itau en pesebre
de pobre que ye,
faxau con pañáls,
bien limpio y calién.
Engüelto’n la palla
lo lame lo güe,
lo lamié la mula
y frío no habié.
Lo Niño s’arríe:
que tañen por El
pastós y zagalas
panderas,rabéls.
María lo mira,
lo mira Jusé:
s’arríe lo crío
con risa de Rey,
de Rey de los Cielos
que a todas las chens
dará vida eterna
si creyen en El.
¡Pastós y zagalas,
panderas tañer!