GOYO DE GÜELLOS

Tot estió luz, as yerbas, os restollos,
as tierras chenerosas e as desiertas.
Tot estió luz, pasión que susteneba
en o peito y en os güellos, o goyo.

Grisos, royos e azulencos os zielos,
¡Cómo espurniaban, tot esparanzatos,
en tremolosos brilos, qui rebaño
de sospiros, d’ensueños u d’autelles!

Tot estió luz, flumera que agora
amoresea las manos con l’aurora
En os piez ardiens con a rosada.

Tot estió luz, amor en l’alentar,
o sentimiento deseya bolar
en una inmensidá iluminata.

(Versión en aragonés de Juan José Bielsa Alquézar del poema “Júbilo de ojos” de José Angel Aznar Galve)